Saleem Raza – Aao Baccho Sair Karaeyn Lyrics

976
Saleem Raza – Aao Baccho Sair Karaeyn Lyrics
Rate this post

aao baccho sair karaeyn tum ko Pakistan ki
jis ki khaatir ham ne di qurbaani laakhon jaan ki
Pakistan Zindabad… Pakistan Zindabad…
[repeat]

dekho yeh hai, Sindh yahan zaalim daahir ka tola tha
yahin Muhammad Bin Qasim Allah-o-Akbar bola tha
tooti huwi talwaaron mein kya bijlee thi, kya shola tha
ginti ke kuch ghaazi the, laakhon ka lashkar dola tha
yahaan ke zarre zarre mein ab daulat hai eemaan ki
jis ki khaatir ham ne di qurbaani laakhon jaan ki
Pakistan Zindabad… Pakistan Zindabad…
Pakistan Zindabad… Pakistan Zindabad…

yeh apna Punjab saja hai bary bary darbaaron se
jaga diya Iqbal ne is ko aazaadi ke naaron se
is ke jawaanon ne khela hai apne khoon ke dhaaron se
dushman tharra jaate hain ab bhi in ki lalkaaron se
door door tak dhaak jami hai yahaan ke shayr jawaan ki
jis ki khaatir ham ne di qurbaani laakhon jaan ki
Pakistan Zindabad… Pakistan Zindabad…
Pakistan Zindabad… Pakistan Zindabad…

yeh elaaqa Sarhad ka hai, sab ki niraali shaan yahaan
bandooqon ki chaaon mein bacche hote hain jawaan yahaan
thokar mein zalzalay yahaan hain, mutthi mein toofaan yahaan
sar pe kafan baandhe phirta hai dekho har ek pathan yahaan
qoum kahe to abhi laga dain baazi yeh sab jaan ki
jis ki khaatir ham ne di qurbaani laakhon jaan ki
Pakistan Zindabad… Pakistan Zindabad…
Pakistan Zindabad… Pakistan Zindabad…

aik taraf khaibar dekho, sarhad ki shaan barhata hai
Shair-e-Khuda ki quwwat ka afsaana yeh dohraata hai
aik taraf Kashmir hamain jannat ki yaad dilaata hai
yeh raavi aur atak ka paani amrit ko sharmaata hai
pyaare shaheedon ka tohfa hai daulat Pakistan ki
jis ki khaatir ham ne di qurbaani laakhon jaan ki
Pakistan Zindabad… Pakistan Zindabad…

aao baccho sair karaeyn tum ko Pakistan ki
jis ki khaatir ham ne di qurbaani laakhon jaan ki
Pakistan Zindabad… Pakistan Zindabad…
Pakistan Zindabad… Pakistan Zindabad…

Song: Aao Baccho Sair Karaeyn
Singer: Saleem Raza
Genre: Patriotic – Pakistani National Song – Pop
Movie: Bedari
IMDB: http://www.imdb.com/title/tt1199437/
Director: Rafiq Rizvi
Starring: Anuradha – Rattan Kumar – Santosh Kumar – Ragni
Year: 1957
Music: Fateh Ali Khan
Lyricist: Saleem Raza

For more national songs, visit our Pakistani National Songs section