Ik Yaad Hai OST

305
Ik Yaad Hai OST
Rate this post

ek yaad akeli pari huwi hai meri dil se
jis mein teri aankhon ke haseen khawaab hain roshan
jis mein woh sureeli si hansi jhoom rahi hai
aawaaz teri woh achanak tera milna
manzar woh nigaahon mein meri ghoom raha hai
ek yaad akeli pari huwi hai meri dil se (x2)

jis se tere lehje ki kiran phoot rahi hai
jis mein meri khawahish ke diye jaag rahe hain
gajre jo kabhi main ne tere hath mein baandhe
pouron pe meri ab bhi mehek taaza hai unki
woh phool jo honton se tere jharte thay aksar
un baaton ka ras ab bhi mere kaan mein mehke
ek yaad akeli pari huwi hai mere dil se (x2)

mere liye tera woh pareshan sa rehna
chaahe bhi agar bhoolna, haan dil kese bhulaey
sab kuch mera mujh se koi le le bhalay wapas
aey kaash magar waqt woh phir laut ke aaey
jis dam mere hamraah, mere saath tha ek shakhs
jis dam meri duniya tha, mere paas tha ek shakhs
ek yaad akeli pari huwi hai mere dil se
bas yaad, woh ek yaad asaasa mere dil ka (x2)

OST: Ek Yaad Hai
Singer(s): Rahat Fateh Ali Khan
Music Composed by: Farrukh Abid
Lyrics by: Syed Wasi Shah
Duration: 05:35

Drama: Ik Yaad Hai
Directed by: Shahid Zahoor
Produced by: Mukhtar Ahmed Chohan
Written by: Syed Wasi Shah
TV Channel: A-Plus
Year: 2011